HAU DA GURE SAGARDO BERRIA!

Iruin Sagardotegian hasiko da sagardotegien denboraldia. Urtarriletik maiatzaren bukaera arte luzatzen dugu, eta euskal egutegian ezinbesteko hitzordua. Izan ere, gero eta gehiago dira egun horietaz gozatzen duten kuadrillak eta turistak, eta bisitatzera etortzen dira.

2022 uztako lehen tragoa dastatu dugu eta oso pozik gaude emaitzarekin. Sagardo os usaintsua, freskoa eta zapore bizikoa. Eta kolorea… Ederra!

Gure sagarrak Normandiatik eta Galiziatik datoz eta, jakina, bertako zigilua ere badute. Frutak azidoak dira, puntu mikatz eta gozo samarrekoak eta kontu handiz hautatzen ditugu, onenak izateko beti.

Aurten ez da erraza izan. Uzta oso txiki izan da. Udako klima lehorrak ere ez dugu gehiegi lagundu eta ekoizpena are txikiagoa izatea eragin du. Baina badakizue Iruinen beti dagoela gure aitaren arima, erretiratuta egon arren. Bera arduratu da sagardoen maridajeaz eta izaera handiagoko salda lortu dugu. Guztira 80.000 litro sagardo ekoitzi ditugu.

Eta badakigu sagardotegi batean edatea ez ezik jatea ere badagoela. Eta oso ondo! Sagardotegiko menu tipikoa eskainiko dugu: bakailao tortilla, bakailao frijitua piperrekin, txuletoia txingarretan, gazta irasagarrarekin eta intxaurrak. Eta aurten bai, murrizketarik gabeko txotx egongo da.

Gogoratu, halaber, menu alternatiboak ditugula. Menu begetarianoa (ez beganoa), haurrentzako menua txikientzat eta aukerak haurdunentzat eta glutenarekiko intoleranteentzat.

Astiazaran familia oso pozik gaude sagardotegien denboraldi berriarekin eta aurtengo sagardo berria probatzeko gogo handiarekin. Zuentzat maitasun handiz egina.

Txooootx!